又黎一套Marvel電影, 多主角既電影一般都好少悶場,
不過其實都冇乜所謂, 電影黎講英雄打鬥類型唔係我的最愛~
玩具同電影個種共鳴感其實有d奇怪,
有時電影感染, 想買下一兩隻玩具過下引;
有時係玩過下隻玩具, 心血來潮想追返d電影卡通睇下.
簡單可以用一個字黎形容:
~『屎忽痕』~
自從出返ML之後, 3.75"可動Figure系列可以講係打入冷宮.
先係減關節, 再而直頭唔出, 點都要令你玩ML為止!
Avengers 2 其實都叫有出3.75"可動Figure,
不過係2 pack TRU限定仲要係reprint都唔止其中一隻翻兜舊衫色都唔改下!
反而出一d兒童向系列, 乜Size都有.
當初見到心口著燈個個系列以為係翻版,
事關早係Avengers 1時淘市場已有一系列心口加燈既Figure出售,
宜家先知道, 原來內地市場已經走得咁前!!!
講返轉頭, 小弟都入手左幾隻呢類系列既Figure,
感覺似曾相識......
呢個系列唔係第一次出, 黎睇下佢地一一拆盒~
隊長不過不失, 面相可以接受.
小隊兵一般般, 因為Figure出黎既效果似甲多過機械人.
其實, 要打扮下先似, 清純Look唔襯你~
以為終於出裝著頭盔係好消息, 點知戴左成個傻仔咁~
呢隻造得唔錯, OK 有 detail.
睇下睇下, 係咪好熟口面呢!?
無錯, 就係 FUNKO 既 ReAction 系列.
去圖~
好老實, 呢個系列唔係用黎玩可動,
因為你見到, 佢既關節係仲少過 LEGO人仔!
無錯, 係仲少過 LEGO人仔!!!!
不過, 佢吸引既地方, 係佢出親都係真人版影視角色,
對小弟呢類真人版影視玩具愛好者黎講,
的確有D感動.
比較一下 CA2 既 3.75"可動Figure~
外觀好, 不過其實 CA2 既 3.75"可動Figure 都係副產品!
多謝收看~
